كلمات مهرجان كلبي الجدع امين خطاب

لو لفيت الدنيا كلها
مش هلاقى زى كلبى
عشان فى وقت الشده
محدش غيرو كان جنبى
ارفع راسك فوق ياصاحبى
انت انضف من ناس كتير

تأنق ياصاحبى عايزك انيق
بتذيد غلاوتك فى عنيا
يكفى انك انت بيطمر فيك
ولا مره بتعض ايديا
كلبى الجدع بتشرف بيك
فى الشده دايما جمبيا
بصراحه دا اللي بشوفو انا فيك
مش شايفو من ناس حواليا

طبطب عليا شويه حزين
مش لاقى غيرك اكلمو
كل إلى جوا فى قلب امين
غيرك لا يمكن يفهمو
اه من قساوة البنى ادمين
دول ب الاذيه بيحلمو
انا بكره هثبتلهم انا مين
بكره إلى باعو هيندمو

مبقتش اقول لزميلى ياكلب
اسمك خساره يتشبه بيه
شايفك فى جمب وهو فى جمب
اصل الى فيك والله مش فيه
كلك وفاء انت اطيب قلبك
غيرك فى شدتى مش بلاقيه
انا وانت بس ومرضى يارب
كدا فل مش عايز بعديه

بتحس لما بكون موجوع
اول واحد تجرى عليا
عينك بتنزف بحر دموع
لو شفت احزان فى عنيا
وقت التعب راقد اسبوع
ولا حد غيرك حواليا
فى الحيوانات انت انضف نوع
وأصيل وكلك حنيه

نفسك يا كلبى تسافر فين
انا تحت رجلى العربيه
نطلع على الساحل شهرين
نبعد عن الخلق شويه
هنروح وبس احنا الاتنين
ومفيش تالتنا يا بشريه
شمسيه حلوه وكرسيين
وهتبقا رايقه النفسيه

[ads1]

مش عيب ولا حرام
لما أكل مع كلبى
طب مانا صحابى اديتهم عنيا
وطمعو فى حواجبى
الحيوان بيطمر فيه عن الإنسان

المنيو قدامك موجود
اتفضل اطلب وجبتك
مفيش مابيننا ياصاحبى حدود
هاكل كمان من لقمتك
احنا اتفقنا وخدنا وعود
ان احنا واحد حضرتك
مبسوط عشان شايفك مبسوط
بالدنيا والله ضحكتك

صحينى بدرى الساعه 8
عشان ورايا مشوار مهم
هنروح ومش هنكمل ثانيه
وبعد كدا نطلع ع الچيم
معاد نومك جيه ياعم الدنيا
اسمع كلامى ونام واتلم
تعاله على المخده التانيه
غمض عنيك واتغطا ياعم

هاتلى الازازه وهاتلى الكاس
وتعاله افضفض واحكيلك
مصدوم بجد فى اقرب ناس
من كل واحد هشكيلك
كل البشر فاقده الاحساس
والدنيا جايه على زميلك
خليك فى ضهرى انت العكاز
انا فوق على دماغى هشيلك

يا كلبى عايزك جنبى تكون
ماتغبش عنى ولا دقيقه
انا جبت أخرى ورب الكون
نفسيتى تعبانه حقيقه
الخلق جاحده بقت بتخون
محطوط فى وسط عالم بيئه
دا زمايلى حولت التليفون
اول ماسمعو انى فى ضيقه

اصحابى مش حابينلى الخير
ملعون أبوها النفسنه
دا فى سيرتى كلو بيعمل شير
مبقتش شايف جدعنه
جوا العروق بقا يجرى عصير
وفى دمهم مرض الأنا
دانا شفت منهم قسوه كتير
ورفعت ايدى لربنا