الدفنه هديه ومجانى
للجثه اللى هتتحدانى
انا مبحبش كانى ولا مانى
تعرف تصرف يلا ورينى
لو حد ف نفسو حاجه يقولها
انا عايز الكلمه بمفعولها
دى الجته اللى سلاحى هيطولها
هتبات فى القصر العينى
قبل ما تيجى عليا سألت
ولا امسح بيك الاسفلت
انا ع الدوغرى لو اتحولت
بضرب عشوائى و مبشوفشى
حذرتك ياض قولت انا لأ
جسمك نصين هنا يتشق
الموت يازميلى علينا حق
وان مت ازميلى متزعلشى
متخصص قصف الجبهات
انا بكسر عين اى عاهات
انزل بلى فى بطنك هات
خش عليا من ابو أخر
متجيش يلا من ع الملفوف
ماتخليك دوغرى يامحدوف
ورينى تنفيذ عايز اشوف
جليت على جمب اتتاخر
اسمع يا ابن امك يا مجليط
متجيش فى أعمامك وتحليط
هنا تعوج بوقك تتخيط
اركن ياعويل جمب الحيطه
اجري وشوفلك فرخه عاركها
بالسكينه اللي انت مسكها
الدخله دي مش مستشيكها
لا مؤخذه يلا انت ابن عبيطه
[ads1]
كومبارسات وشويه طيشه
عايشنلى ف دور النكيشه
هديكو كارت احمر م العيشه
انتو إلى احلويتو مش ذنبى
محبوب من كل البشريه
على ايدو اى حكايه منهيه
المسا دا ل اسد الشرابيه
الوحش يلا خميس العربى
انا نفسى اشهدلك يا كروديا
يالى انت بتكرت ع الميديا
عامل زى الطلقه الفاضيه
شبشب ولا ليك اى لزوم ..
انا مبفخدش يا عين خالتك
بطل بقا تنكشنى ف حالتك
انا لو ع الاسفلت زنقتك
صدقنى هتبقا المرحوم
خميس العربى دا مين بيهزو
سندال يازميلى لسه ب عزو
اللي قصادو يطخن حسو
يسقط ع الارض يابا فى ثانيه
حسام التوأم يابنى دا حمله
دا يقفل جيهتك بمكالمه
طلقاتو عليكم يلا شامله
ارض الابطال الشرابيه
الضيقه دى واخده اخوات ليا
فى غيابهم انا بتبكى عنيا
عبد الله الجندى غالى عليا
هونها يارب بقا عليه
السجن دا عن اخويا حايشنى
دا كريم حامد يابا واحشنى
وامير عزبه لوحدى سايبنى
بتقطع من بعديه
