كلمات اغنية وانت ماشي في سينا شيرين عبدالوهاب
كلمات اغنية وانت ماشي في سينا شيرين عبدالوهاب
ماشي في سينا
وانت ماشي في سينا حاسب رمل سينا كله دم
من زمان مات لك هنا خال و اب وابن عم
وانت ماشي في سينا حاسب رمل سينا كله دم
من زمان مات لك هنا خال و اب وابن عم
وناس كتير مش معدودين وجد كان شايل في جيبه
سلسلة مكتوب عليها اية من سورة ياسين
جدتك تدعيله يرجع وهو نفسه في الشهادة
تدعي هي بس هو عمره ما قال امين
وانت ماشي في سينا حاول تفتكر مات فيها مين
وانت ماشي في سينا ادعي واحنا وياك نقول امين
كل شبر في سينا غالي ارضها ملهاش مثيل
شمسها وضحكة نهارها ونور قمرها في ليل طويل
شوف بساطة اهلها والطبيعة وسحرها
او جمال الجو فيها ولا مية بحرها
النجوم ماس في سماها و شكلها بين الجبال
سينا عين مصر اللي شافت بيها ايه معنى الجمال
رحلة العدرا و يسوع عدوا فيها من هنا
في ارضها سيدنا موسى عاش و كلم ربنا
سينا درة تاج بلدنا ردها لينا جدودنا
والنهاردة بقت امانة لينا و لولاد ولادنا
وعد هنصونها بحياتنا جوه قلبنا وفي عنينا
عهد من جيلنا وكلمة والتزام واجب علينا
وانت ماشي في سينا حاول تفتكر مات فيها مين
وانت ماشي في سينا ادعي واحنا وياك نقول امين
