ما شغل بالي عليك ، إلا غلاك
لا تخلّيني ، أحاتي وأنشغل !
إنته لا من غبت تاخذني معاك
إيه أحبك بالكلام وبالفعل
في غيابك ، غابت الراحه وراك
والجسد فارغ بلا قلب وعقل !
ماني متخيّل تفاصيلي بلاك
غيبتك عنّي شروعٍ بـ القتل
يا سبايب راحتي ، قلبي فداك
وكل أحاسيسي في قربك تحتفل
لا تحاتي قلبي من هذا وذاك
في عيوني غيرك إنته ما كِمل
إن زعلت أزعل وأرضى من رضاك
والله لا يجيب المفارَق ، والزعل
إيه أريدك وإيه أبيك وإيه أباك
وإيه أنا مشتاق لك
قول وفعل
