شوفي حياتِـك عادي
بدعيلِـك بالسعادة
بس ما تدوّري عا متـلي
رح تتعبي عالفاضي
باب الرجوع مسكّر
اشتغلي عاحالِـك أكتر
أنا حبي ما بيتـكـرّر
متل الموت والولادة …
[ads1]
ويا غضب قلبي الكان والع
هلق عشرة تحت الصفر
عمرِك ما بيكفّي لَـتعتذري
بدِك فوقو اتناعشر عمر
وإذا كان إسمِك نصي التاني
بعيش بنصي الأول بس
أنا العالم ما بكّاني
ما حا إبكي على شقفة نص …
ماي وملح دمعاتِك
قطرة لَـكل كذباتِك
لا الملح بيّـَن فيكي
ولا الماي غسل أغلاطِك
الحيّة اللي بتغوي برقصا
بتختم الرقصة بعقصة
إيدِك إذا بتغمرني
حبل المشنقة بحسا …
